Id-Direttorat tal-Operat twaqqaf fil-15 ta’ Jannar 2019 wara li d-Direttorat tas-Simplifikazzjoni tal-Burokrazija gie ddisinjat mill-ġdid għal Direttorat tal-Operat (Ċart tal-Organizzazzjoni).
Id-Direttorat għandu rwol kruċjali fl-istrateġija operattiva u ta’ komunikazzjoni għall-Ministeru għall-Politika Soċjali u l-Familja. Parti ewlenija ta’ dan ir-rwol hija r-responsabbiltà għall-ippjanar, id-direzzjoni u l-koordinazzjoni tal-organizzazzjoni u t-twassil effettiv ta’ servizz ta’ customer care fil-komunità.
Barra minn hekk, dan id-Direttorat se jibqa’ bħala l-punt fokali u l-katalist għas-simplifikazzjoni tal-burokrazija, fejn imexxi u jikkoordina inizjattivi ta’ bidla fil-ministeru u entitajiet relatati biex jissimplifika l-proċeduri u l-prattiċi tax-xogħol, l-aktar f’dawk l-oqsma tas-servizz li għandhom x’jaqsmu direttament maċ-ċittadini.
Ir-Responsabbiltajiet Ewlenin tad-Direttur (Operat)
- Imexxi, jikkontrolla u jidderieġi l-istaff taħt ir-responsabbiltà diretta tiegħu u jipprovdi tmexxija u direzzjoni, inkluż superviżjoni, evalwazzjoni tal-prestazzjoni, dixxiplina u delegazzjoni tal-awtorità.
- Ifassal, jikkoordina u jissorvelja pjanijiet, strateġiji u programmi operazzjonali ta’ proċessi u servizzi ta sostenn biex iżid is-sodisfazzjon tal-klijent.
- Jiżviluppa u jimmaniġġja strateġikament inizjattivi ta’ outreach immirati biex jagħmlu aktar konxji ċ-ċittadini vulnerabbli u dawk b’livell baxx ta’ edukazzjoni u biex jiffaċilita t-twassil ta’ dawn id-drittijiet u benefiċċji fil-ħin.
- Jistabbilixxi u jieħu ħsieb bażi ta’ data u informazzjoni effettiva biex tiżgura rispons xieraq u f’waqtu għal talbiet ta’ informazzjoni mill-pubbliku u fornituri ta’ servizzi ta’ kura u aġenziji.
- Jamministra stħarriġ onlajn biex jeżamina l-attitudnijiet, l-aspettattivi, il-ħtiġijiet, u jkejjel il-livelli ta’ sodisfazzjon tal-klijent ħalli jtejjeb aktar is-servizzi u għalhekk jirrakkomanda bidliet u inizjattivi.
- Jippjana, jimplimenta u jissorvelja l-pjan ta’ simplifikazzjoni annwali tal-Ministeru u l-entitajiet relatati biex jimmassimizza l-effiċjenza tas-sistemi u l-proċessi operattivi.
- Jevalwa regolarment il-proċeduri u l-proċessi skont l-għanijiet organizzattivi, u fejn meħtieġ jirrakkomanda soluzzjonijiet għal titjib, u jistabbilixxi miri għal effiċjenza akbar.
- Ifassal strateġiji ta’ bidla u jistabbilixxi miri ta’ prestazzjoni ċari biex itejjeb is-servizz operattiv. F’kollaborazzjoni mac-Chief Information Officer tal-Ministeru, jesplora teknoloġiji innovattivi biex jidentifika opportunitajiet ta’ żvilupp ta’ prodotti ġodda ħalli jtejjeb is-servizz lill-klijent.
- Jibni u jżomm relazzjonijiet mal-kapijiet tad-dipartiment, l-imsieħba esterni u l-front liners biex jieħu deċiżjonijiet rigward l-attività operazzjonali u l-għanijiet strateġiċi.
- Jissorvelja t-tim tal-manutenzjoni u jippjana u jikkoordina l-programm ta’ xogħlijiet tagħhom sabiex jieħu ħsieb, jirranġa u jsewwi l-bini tal-ministeru u proprjetajiet oħra.
- Jistabbilixxi u jimplimenta proċessi u proċeduri xierqa ta’ management tal-propjetà (inklużi s-sigurtà u Health & Safety) fil-bini użat, jew fil-kustodja tal-Ministeru.
Pubblikazzjonijiet
Strateġija tal-Operat
Rapport Annwali 2023
Miżuri ta’ Simplifikazzjoni 2020 MSFC
Rapport Annwali 2019
Miżuri ta’ Simplifikazzjoni 2019 MFCS
Miżuri ta’ Simplifikazzjoni 2018 MFCS
Miżuri ta’ Simplifikazzjoni 2017 MFCS
Miżuri ta’ Simplifikazzjoni 2016 MFSS
Miżuri ta’ Simplifikazzjoni 2015 MFSS
Miżuri ta’ Simplifikazzjoni 2014 MFSS